Programas de axudas IDAE ao financiamento de proxectos estratéxicos de investimento en aforro e eficiencia enerxética

• Formularios para la solicitud de la certificación y el pago de ayudas a Proyectos Estratégicos. Convocatoria 2008
• Resolución BOE 2008
• Directrices comunitarias 
• Listado empresas acreditadas

En breve neste mesmo espazo disporá dos documentos:

• Medidas das comunidades autónomas

O prazo para a presentación de solicitudes a este programa de axudas do ano 2008 finalizou o 8 de outubro pasado. As próximas convocatorias de axudas a proxectos estratéxicos que en anos vindeiros puidese haber serán igualmente anunciadas nesta páxina web e no Boletín Oficial do Estado.

Para máis información contactar co IDAE

¿En que consiste?

Trátase dunha nova liña de apoio do IDAE ao financiamento de proxectos de aforro e eficiencia enerxética.

O Programa enmárcase nas actuacións directas do IDAE do Plan de acción 2008-2012 da estratexia de aforro e eficiencia enerxética en España (2004-2012).

A Convocatoria 2008 do Programa está dotada con 60 millóns de Euros, ampliables en función das dispoñibilidades orzamentarias.

A metodoloxía de cálculo das axudas aos proxectos responde ás novas directrices comunitarias sobre axudas estatais en favor do medio ambiente (2008/C 82/01).

Obxectivos do Programa

O Programa persegue complementar e reforzar os esforzos que se están levando a cabo por parte das diferentes administracións para incentivar as empresas a realizar proxectos plurianuais de investimento en tecnoloxías de aforro e eficiencia enerxética.

Trátase de cubrir determinada tipoloxía de proxectos que non contan co suficiente apoio cos mecanismos actuais existentes, cunha visión de apoio continuo (plurianual), aberto (beneficiarios directos e indirectos) e diverso (sectores industrial, terciario e de servizos).

Tipoloxía de proxectos

Defínense tres tipos de proxecto obxectivo do Programa:

• Proxecto estratéxico (PE): trátase dun conxunto de actuacións de investimento nun ámbito temporal amplo (ata o 31 de decembro de 2012), cun obxectivo que sexa reducir de forma significativa os consumos específicos enerxéticos dos seus procesos, de xeito que se achegue ao óptimo técnico enerxético.
• Proxecto singular innovador (PSI): son proxectos cun destacado elemento de innovación no uso da enerxía onde destaquen elementos como a replicabilidade noutras empresas do sector, a aplicación da mellor tecnoloxía dispoñible, a incidencia enerxética e medioambiental no contorno e a adaptación ao concepto de ecoinnovación.
• Proxecto sectorial conxunto (PSC): son proxectos onde unha aplicación tecnolóxica similar pode aplicarse en varias empresas dun mesmo sector, de xeito que se consiga como consecuencia un efecto de replicabilidade directo. Serán levados a cabo a través de empresas de servizos enerxéticos (ESE), nexo de unión entre o IDAE e as empresas do sector, últimas beneficiarias das axudas.

Os proxectos deberán superar determinados ratios de aforro enerxético por investimento e axuda, e estar enmarcados nos seguintes límites de investimento elixible:

Valores mínimos y máximos de inversión Elegible

Tipo de Proxecto	Investimento en millóns de €.Máximo
	Mínimo	Máximo
Proxecto estratéxico (con investimentos nun mínimo de tres CC.AA.)	1,0	40,0
Proxecto Singular Innovador	0,5	20,0
Proxecto Sectorial Conxunto	1,0	20,0

Beneficiarios

• Empresas do sector Industrial, excepto os sectores do refino e a xeración de enerxía eléctrica.
• Empresas do sector terciario (comercio, distribución, hostalería, sanidade, transporte, etc.) con instalacións ou centros de actividade nun mínimo de tres comunidades autónomas nas que se desenvolvan os investimentos.
• Empresas de servizos enerxéticos (ESE), entendendo como tal a definición máis ampla posible que inclúa todo o sector da enerxía ou organizacións que acheguen este tipo de servizos directos ou indirectos. Estas empresas deberán actuar para terceiros, nos sectores antes indicados e levando a cabo investimentos incluídos na tipoloxía de proxectos do programa de axudas. En calquera caso, os proxectos aprobados neste tipo de beneficiarios en modo indirecto deberán reflectir que os aforros enerxéticos subvencionados repercuten nos usuarios finais.
• Empresas de financiamento de compra de bens de equipo ou vehículos que abarquen de maneira preferente o criterio de territorialidade sinalado anteriormente e, igualmente nestes casos, aplicarase a condición final sinalada nas ESE.

Tecnoloxías sectoriais; valores límites de axuda INDICATIVOS 

A cualificación de INDICATIVOS responde ao seu carácter meramente enunciativo e que, en calquera caso, o cálculo dos límites de axudas máximas se realice, para cada proxecto, seguindo a metodoloxía das directrices comunitarias sobre axudas estatais en favor do medio ambiente. O resto de limitacións ou condicións que afectan a estas tipoloxías de proxectos de investimento serán similares ás citadas nos convenios de colaboración do IDAE coas CC.AA. para o exercicio 2008. 

SECTOR INDUSTRIAL

Promoción de investimentos en substitución de equipos e instalacións en mellor tecnoloxía dispoñible (MTD): investimentos en equipos de proceso, instalacións e sistemas que transforman ou consomen enerxía, proxectos de enxeñería, obra civil, montaxe e posta en marcha.

• Equipos de proceso: 22% do investimento.
• Renovación equipos auxiliares de alta eficiencia: 30% do investimento. 

SECTOR TRANSPORTE

Promoción do investimento na renovación de frotas e promoción de combustibles alternativos no transporte: investimento en equipos destinados ao transporte de persoas e mercadorías por estrada, e tamén na comercialización de combustibles alternativos no transporte.

Vehículos

Ata o 15% do valor de mercado cos seguintes límites máximos:

Tecnoloxía (en €.)	V.Industriais	V.Turismos
Eléctricos	50.000	6.000
Hidróxeno	50.000	6.000
Híbridos	50.000	2.000
(*) GNC, GNL, GLP	12.000	2.000
(*) Transf. GLP	-	450

Estacións de servizo

Tipo	Abertas ao público
(*) GLP	10% investimento ou 10.000 €.
(*) GN	10% investimento ou 25.000 €.
H2	20% investimento ou 100.000 €.

(*) O conxunto de proxectos presentados nestas tipoloxías non poderá superar un volume total de axudas en cada exercicio de 3 millóns de euros.

Cargadores e rede de loxística de subministración a vehículos eléctricos: ata o 20% do investimento cun límite de 1 millón de euros por proxecto.

SECTOR EDIFICACIÓN

Promoción de investimentos na rehabilitación da envolvente térmica de edificios existentes: investimentos na envolvente térmica dos edificios destinados a reducir a demanda enerxética de calefacción e refrixeración. 

Cumplir CTE -HE-1: 22% do investimento cos seguintes límites:

• 10.000 € /vivenda (vivenda unifamiliar);
• 300.000 € por edificio de vivendas en bloque (cun mínimo de 30 vivendas por edificio);
• 300.000 € por edificio doutros usos, non vivenda.

Promoción de investimentos na renovación de instalacións térmicas de edificios: Investimentos en equipos, instalacións e sistemas que transforman ou consomen enerxía, proxectos de enxeñería, obra civil, montaxe e posta en marcha. 

• Alcanzar o 20% de aforro + RITE-07: 22% do investimento.

Promoción de investimentos na renovación da iluminación interior: investimentos en equipos, instalacións e sistemas que supoñan un nivel de eficiencia mínimo marcado no HE3.

• Alcanzar o 25% de aforro + CTE-HE-3: 22% do investimento.

Rehabilitación de edificios: investimentos en mellora da eficiencia enerxética de edificios existentes

• Cualificación enerxética B: 27% do investimento.
• Cualificación enerxética A: 35% do investimento.

SECTOR TRANSFORMACIÓN DA ENERXÍA

Promoción de investimentos en instalacións de coxeración en sectores non industriais: Investimentos en equipos, instalacións e sistemas que transforman ou consomen enerxía, proxectos de enxeñería, obra civil, montaxe e posta en marcha, cunha potencia superior a 150 kWe.

• 10% cun máximo de 200.000 € por proxecto.

Promoción de investimentos en instalacións de microcoxeración: investimentos en equipos, instalacións e sistemas que transforman ou consomen enerxía, proxectos de enxeñería, obra civil, montaxe e posta en marcha, cunha potencia inferior a 150 kWe. 

• Para Pe< 50 kWe: 30% do investimento..
• Para Pe> 50 kWe y <150 kWe: 10% + 20%*((150-Pe)/100) do investimento..

Prazos

A convocatoria 2008 estará aberta desde a data de publicación no Boletín Oficial do Estado e pechará aos tres meses.

Instrumento de Xestión

O instrumento seleccionado para apoiar as empresas dentro deste programa serán os CONVENIOS ou CONTRATOS-PROGRAMA DE INVESTIMENTO EN AFORRO E EFICIENCIA ENERXÉTICA entre as empresas ou corporacións seleccionadas e o IDAE.

Para chegar a eles, na convocatoria anual de axudas publicada no BOE como Resolución do Consello de Administración do IDAE, especificarase o contido que deberán incluír as propostas das empresas (plans estratéxicos de investimentos en proxecto de aforro e eficiencia enerxética 2008-2012).

Algúns dos elementos que comporán este Plan estratéxico serán:

• Obxectivos empresariais do Plan estratéxico (competitividade, medio ambiente, etc.)
• Estrutura/organización da empresa (subministracións, produción, distribución…)
• Número de instalacións afectadas (distribución xeográfica)
• Análise tecnolóxica de procesos e equipos actuais: análise de alternativas existentes (benchmarking…)
• Selección de tecnoloxías para implementar (MTD…)
• Determinación dos custos elixibles segundo as directrices comunitarias sobre axudas estatais en favor do medio ambiente (2008/C 82/01)
• Plan de investimentos
• Plan de financiamento
• Solicitude de apoios públicos segundo as Directrices
• Aforros enerxéticos e redución de emisións
• Adaptación da solicitude da axuda ao criterio de efecto incentivador segundo as Directrices
• Beneficios medioambientais asociados á mellora da eficiencia enerxética (directos e indirectos)
• Planificación temporal (2008-2012)
• Recursos e organización (capacidades internas e externas)
• Outros beneficios (creación de emprego, redución de residuos, valoración da mellora competitiva, etc.)

A determinación dos custos elixibles dos proxectos de investimento, ademais dos aforros enerxéticos e a redución de emisións, deberá ser avalada por un axente externo acreditado por ENAC que certificará o método de avaliación de acordo coas Directrices.

Este axente presentará un informe non vinculante que acompañará o Plan estratéxico de investimentos. 

As condicións incluídas no CONVENIO ou CONTRATO-PROGRAMA figurarán na convocatoria anual.

Procedemento

• A convocatoria, cando se publique no BOE, na páxina web do IDAE... será difundida segundo criterios técnicos, por empresas, por asociacións, etc. (segundo se estableza nun Plan de difusión inmerso no Programa).
• Recepción de solicitudes: estudarase, se se estima oportuno, a posibilidade de establecer un sistema de entrada de solicitudes vía web do IDAE, na que as empresas puidesen descargar toda a información necesaria, as fichas que teñen que cubrir, etc. Este sistema xa funciona con outras liñas do IDAE e supón unha maior eficacia no tempo e un menor movemento de documentos.
• Avaliación das solicitudes: utilizaranse os criterios obxectivos publicados na convocatoria oficial. Como consecuencia da avaliación de expedientes, pode ser necesaria unha corrección de datos, documentos, ou calquera outro aspecto necesario para que o proxecto poida seguir adiante.
• Resolución das axudas: comunicaráselles aos solicitantes o documento/contrato oficial aprobado polo IDAE, no que se indicarán os datos técnicos e económicos necesarios para establecer as condicións nas que se concede a axuda, e indícase o procedemento posterior que hai que seguir para o pago e certificación desta. Así mesmo, indicaranse as obrigas existentes por parte do titular da axuda para o perfecto cumprimento dos criterios e termos nos que lle foi concedida.
• Aceptación por parte da empresa beneficiaria das condicións comunicadas polo IDAE e establecemento de posibles condicións ou garantías.
• Sinatura dos CONVENIOS ou CONTRATO-PROGRAMA coas empresas.
• Certificación parcial/total do proxecto de investimento.
• Pago parcial/final das axudas establecidas no expediente e na resolución segundo o cumprimento dos fitos aprobados polo IDAE.

Datos de Contacto 

A entrega física das solicitudes asinadas, segundo o formulario habilitado para o efecto na propia convocatoria, deberá efectuarse nas oficinas do IDAE situadas na rúa Madera número 8 (traseira pola rúa San Roque 7), 28004-Madrid, dirixidas ao director xeral do IDAE, indicando no sobre “Solicitude de participación no PROGRAMA DE AXUDAS IDAE AO FINANCIAMENTO DE PROXECTOS ESTRATÉXICOS DE INVESTIMENTO EN AFORRO E EFICIENCIA ENERXÉTICA”, onde se fagan constar claramente os datos da entidade remitente.