LBL_LOGO

Domotika etxebizitzari aplikatutako automatizazioak eta kontrolak osatzen dute. Elkarren artean komunikatzeko gaitasuna duten ekipamenduak erabilita gauzatzen da. Ekipamendu horiek etxebizitzaren erabiltzaileak aurrez ezarritako algoritmo edo programa baten jarraibideak betetzeko gaitasuna dute. Erabiltzailearen beharren araberako aldaketak egiteko aukera ere eskaintzen dute. Ondorioz, domotikak bizi-kalitate hobea eskaintzen du, etxeko lana arindu egiten du, ongizatea eta segurtasuna hobetu eta energiaren kontsumoa arrazionalizatu egiten du. 

Etxean sistema domotikoak jarrita, argiztapena, klimatizazioa, ur beroa, ureztapena, etxetresna elektrikoak eta abar zentzuz kudea daitezke, baliabide naturalak hobeto erabiltzeko eta kostu txikiagoko tarifen ordutegiak erabiltzeko aukera ematen baitute, horrela energia-fakturak merkatzeaz gain, erosotasuna eta segurtasuna areagotuz.

Espainiako Domotika Elkarteak (CEDOM), IDAErekin batera, honako gida hau prestatu du: Nola aurreztu energia etxean domotika instalatuta. Lortu erosotasun eta segurtasun handiagoa. Herritarrentzako gida bat da, domotikak energia aurrezten eta arduraz kontsumitzen nola laguntzen duen jakin dezaten.

Kanpoko lotura interesgarriak: 

Espainiako Domotika Elkartea (CEDOM)