Hai que ter en conta que tódolos anos se substitúen en España 2,8 millóns de electrodomésticos (frigoríficos, conxeladores, lavadoras e lavalouza). A compra dun novo electrodoméstico para “reposición” non leva necesariamente á retirada do que se substitúe, que se segue utilizando, por exemplo, na segunda vivenda ou para outros usos. O obxectivo do Plan Renove é fomentar a retirada das vivendas dos aparatos antigos, fabricados cando non existía a obriga de etiquetalos enerxeticamente e substituílos por outros coa máxima eficiencia enerxética.

Os requisitos xerais do Plan Renove son os seguintes:

• Os potenciais beneficiarios poden ser persoas físicas ou xurídicas, de natureza pública ou privada, que substitúan electrodomésticos dos incluídos nas liñas de apoio.
• As axudas estarán destinadas á substitución de electrodomésticos por outros de etiqueta enerxética de clase A ou superior, segundo os casos, dos seguintes tipos: frigoríficos, conxeladores, lavadoras e lavalouza, fornos eléctricos, mesados de gas e mesados de indución.
• A contía da axuda dependerá de cada Comunidade Autónoma, cun mínimo de 50 euros/aparato.
• A aplicación do incentivo económico só se realizará contra a entrega do aparato polo que se substitúa para o seu reciclado, segundo o procedemento establecido no Real Decreto 208/2005, de 25 de febreiro, sobre aparatos eléctricos e electrónicos e a xestión dos seus residuos.

A xestión do Plan Renove realízase directamente por parte de cada Comunidade Autónoma, cos prazos, procedementos e condicións que cada unha estableza durante o ano 2008.