Ademais da súa propia capacidade para xerar enerxía (enerxía solar térmica e enerxía solar fotovoltaica), o sol está na orixe de tódalas enerxías renovables.

Deste xeito, o quecemento da terra e da auga provoca as diferenzas de presión que dan orixe ó vento, fonte da enerxía eólica. O sol é, ó mesmo tempo, o axente principal do ciclo da auga, que converte a evaporación dos océanos en choiva e, polo tanto, no recurso da enerxía hidráulica.

O sol, tamén, é o actor imprescindible do proceso de fotosíntese e, por elo, orixe principal da enerxía que emprega a biomasa.

O sol é, en definitiva, a fonte da vida na terra e debemos aproveitar a súa enerxía e as que, a partir do seu refluxo, a natureza transforma.