O bioetanol obtense a partir de cultivos tradicionais, como os do cereal, millo ou remolacha, mediante procesos de adecuación da materia prima, fermentación e destilación. As súas aplicacións van dirixidas á mestura con gasolinas ou ben á fabricación de ETBE, un aditivo osixenado para as gasolinas sen chumbo.

Pola súa parte, a produción de biodiésel realízase a través de operacións de transesterificación de aceites vexetais, ben puros (xirasol ou colza, por exemplo), ben usados. O produto así obtido é empregado en motores diésel como substituto do gasóleo, xa sexa en mesturas con este ou como único combustible.