Konpromiso publikoa Energia Eraginkortasunarekin eta Energia Berriztagarriekin

Energia Dibertsifikatu eta Aurrezteko Erakundea, IDAE, Energiaren Estatu Idazkaritzabitartez Industria, Turismo eta Merkataritza Ministeriora atxikitako Enpresa-Entitate Publikoa da, eta horren mendekoa da organigramari dagokionez.

Hona hemen erakundearen jarduera bideratzen dituzten bi esparru nagusiak: Espainiako Energiaren Aurrezpen eta Eraginkortasunerako Ekintza Plana 2007-2012 eta Energia Berriztagarrien Plana 2005-2010 finkatutako helburuak.

Horrela bada, Autonomia Erkidegoekin batera lehen aipatutako bi planifikazio horietarako neurriak eta funtsak koordinatzeaz eta kudeatzez gain, IDAEk beste zenbait ekintza burutzen ditu berrikuntza teknologikoko eta izaera erreplikakorra duten proiektuak zabaltzeko, horiei aholkularitza tekniko emateko, garatzeko eta finantzatzeko.

Erakundeak, halaber, nazioarteko jarduera bizia egiten du Europako programen eremuan, eta baita lankidetza-proiektu batzuk ere beste herrialde batzuekin.

Beste energia-eredu bat eraikitzeko moduko trebakuntza eta sentsibilizazio kanpainak egitea da, gainera, IDAEren helburu estrategiko bat. Energia-eredu horrek horniduraren kalitatea eta segurtasuna bermatu behar du, Espainiako enpresen lehiakortasuna sustatu behar du eta ingurumenarekiko iraunkortasunean eta errespetuan oinarritu behar da.

Beste informazio interesgarri bat:

• IDAEren memoria 2007. Bertsio nabigagarria eskuratu. Inprimatua eska dezakezu gure Argitalpenen Sailean.