LBL_LOGO

Proxecto Piloto MOVELE. (Proxecto Piloto de MObilidade ELÉCtrica)

O Plan de activación do aforro e a eficiencia enerxética 2008-2011, aprobado polo Consello de Ministros o 1/8/2008, inclúe na súa Medida nº4 o desenvolvemento dun proxecto piloto de introdución de vehículos eléctricos co obxectivo de demostrar a viabilidade técnica, enerxética e económica desta alternativa de mobilidade.

O Proxecto MOVELE, xestionado e coordinado polo IDAE, consiste na introdución nun prazo dous anos (2009 e 2010), dentro de contornas urbanas, de 2000 vehículos eléctricos de diversas categorías, prestacións e tecnoloxías, nun colectivo amplo de empresas, institucións e particulares, así como na instalación de 500 puntos de recarga para estes vehículos, cos seguintes obxectivos:

Demostrar a viabilidade técnica e enerxética da mobilidade eléctrica nas contornas urbanas, situando a España entre as escasas experiencias reais de demostración das tecnoloxías de mobilidade con enerxía eléctrica.

Activar dentro das administracións locais implicadas medidas de pulo deste tipo de vehículos: infraestrutura pública de recarga, reserva de prazas de aparcamento, circulación por carrís bus-taxi, etc.

Implicar a empresas do sector privado na introdución do vehículo eléctrico: empresas eléctricas, empresas de seguros e de financiamento (renting), etc.

Servir como base para a identificación e pulo de medidas normativas que favorezan esta tecnoloxía: medidas fiscais na compra ou uso dos vehículos, tarifas de subministración, modificación de normas que impidan a súa evolución (acceso a puntos de recarga en vivendas comunitarias, homologación), etc.

O proxecto conta cunha dotación de 10 millóns de euros destinados aos seguintes conceptos: Infraestruturas de recarga (15%), Xestión, estudos e seguimento (5%) e Adquisición de vehículos (80%).

Actividades do IDAE no marco do Plan MOVELE

Desenvolvemento de accións marcadas no Plan de acción de pulo do VE 2010-2012:

1. Apoio ás cidades con mobilidade eléctrica: guía, selo MOVELE, convenio con FEMP.
2. Apoio ao desenvolvemento de infraestruturas de recarga. Medidas de colaboración do IDAE coas comunidades autónomas no marco do PAE4+. 
3. Plan de marketing do VE nas frotas: o IDAE asinou un convenio de colaboración coa AEGFA para levar a cabo un conxunto de accións de comunicación que permitan activar a incorporación do VE nas frotas. 
4. Participación en proxectos internacionais: EVI (Electric Vehicle Iniciative), Grupo de Traballo EV-HEV da AIE, SAB do Proxecto Grid for Vehicles (G4V). 
5. Participación en foros nacionais relacionados co Vehículo Eléctrico: Foro CDTI, Proxecto REVE, Foro TIC/Sustentabilidade, FOREVE, Prospectiva VE da EOI…
6. Colaboración no desenvolvemento de medidas normativas e lexislativas de fomento do VE en España (Rd de axudas para a adquisición de VE; Rd do xestor de cargas de VE; Rd de introdución de puntos de recarga de VE nas cidades, edificios, parkings, vivendas…; ITC de modificación do REBT para incorporación de puntos de recarga de VE nas edificacións, fomento do VE no ámbito do borrador da Lei de enerxías renovables e eficiencia enerxética...).