LBL_LOGO

MOVELE proiektu pilotua. (Mugikortasun elektrikoko proiektu pilotua).

2008ko abuztuaren 1eko Ministroen Kontseiluan adostutako 2008-2011 Energiaren aurrezkia eta eraginkortasuna aktibatzeko planak ibilgailu elektrikoak sartzeko proiektu pilotuaren garapena jasotzen du 4. neurrian, mugikortasun alternatiba horren bideragarritasun teknikoa, energetikoa eta ekonomikoa egiaztatzeko xedearekin.

IDAEk kudeatu eta koordinatutako MOVELE proiektua honetan datza: bi urteko epean (2009 eta 2010), hiri-inguruneetan hainbat kategoria, ezaugarri eta teknologiatako 2.000 ibilgailu elektriko sartzea enpresa, erakunde eta partikularren kolektibo zabalean eta ibilgailu horiek berriro kargatzeko 500 puntu instalatzea. Hori guztia helburu hauekin:

Mugikortasun elektrikoaren hiri-inguruneetako bideragarritasun teknikoa eta energetikoa frogatzea, Espainia energia elektriko bidezko mugikortasun-teknologien benetako esperientzia urrien artean kokatuz.

Esku hartutako tokiko administrazioen artean ibilgailu mota hori bultzatzeko neurriak aktibatzea: berriz kargatzeko azpiegitura publikoa, aparkaleku-plazak erreserbatzea, autobus eta taxien errailetatik zirkulatzea eta abar.

Sektore pribatuko enpresak ibilgailu elektrikoaren txertaketan nahastea: enpresa elektrikoak, aseguru-enpresak, finantziazio-enpresak (renting) eta abar.

Teknologia horren alde egingo duten arau-neurriak identifikatu eta bultzatzeko oinarritzat balio izatea: ibilgailuak erosteko edo erabiltzeko zerga-neurriak, hornidura-tarifak, bilakaera eragozten duten arauen aldaketa (berriro kargatzeko puntuetarako irisgarritasuna etxebizitza komunitarioetan, homologazioa) eta abar.

Proiektuak kontzeptu hauetara bideratutako 10 milioi euroko hornidura du: berriro kargatzeko azpiegiturak (% 15); kudeaketa, azterketak eta jarraipena (% 5) eta ibilgailuen erosketa (% 80).

IDAEren jarduerak MOVELE planaren testuinguruan

2010-2012 Ibilgailu Elektrikoa Sustatzeko Ekintza Planean markatutako ekintzen garapena:

1. Mugikortasun elektrikoa duten hirietarako laguntza: gida, MOVELE zigilua eta hitzarmena FEMPekin.
2. Berriz kargatzeko azpiegiturak garatzeko laguntza. IDAE eta komunitate autonomoen arteko lankidetza-neurriak PAE4+ planaren testuinguruan. 
3. Ontzidietan ibilgailu elektrikoaren marketin-plana: IDAEk lankidetza-hitzarmena sinatu du AEGFA elkartearekin, ontzidietan ibilgailu elektrikoaren txertaketa ahalbidetuko duten hainbat komunikazio-ekintza garatzeko. 
4. Nazioarteko proiektuetan parte hartzea: EVI - Electric Vehicle Iniciative; NEAko IE (ibilgailu elektriko)-IEH (ibilgailu elektriko hibrido) lantaldea; Grid for Vehicles (G4V) proiektuko SAB. 
5. Ibilgailu elektrikoarekin lotutako foro nazionaletan parte hartzea: GTIZ foroa; REVE proiektua; IKT/iraunkortasuna foroa; FOREVE; EOI eskolako IE prospektiba... 
6. Espainian ibilgailu elektrikoa sustatzeko arau- eta lege-neurrien garapenerako lankidetza (IE erosteko laguntzei buruzko ED; IEko karga-kudeatzailearen ED; hirietan, eraikinetan, aparkalekuetan, etxebizitzetan eta abar IE berriz kargatzeko puntuak sartzeari buruzko ED; eraikinetan IE berriz kargatzeko puntuak txertatzeko BTAEren aldaketarako ITC; Energia Berriztagarriei eta Eraginkortasun Energetikoari buruzko Legearen zirriborroan IEren sustapena...).