O Plan de Activación do Aforro e a Eficiencia Enerxética 2008-2011, aprobado polo Consello de Ministros o 1/8/2008, inclúe na súa medida núm. 4 o desenvolvemento dun proxecto piloto de introdución de vehículos eléctricos co obxectivo de demostrar a viabilidade técnica, enerxética e económica desta alternativa de mobilidade.

O Proxecto MOVELE (MOBELE), xestionado e coordinado polo IDAE, consiste na introdución nun prazo dous anos (2009 e 2010), dentro de ámbitos urbanos, de 2.000 vehículos eléctricos de diversas categorías, prestacións e tecnoloxías, nun colectivo amplo de empresas, institucións e particulares, así como na instalación de 500 puntos de recarga para estes vehículos, cos seguintes obxectivos:

• Demostrar a viabilidade técnica e enerxética da mobilidade eléctrica nos ámbitos urbanos, situando a España entre as escasas experiencias reais de demostración das tecnoloxías de mobilidade con enerxía eléctrica.
• Activar dentro das administracións locais implicadas medidas impulsoras deste tipo de vehículos: infraestrutura pública de recarga, reserva de prazas de aparcamento, circulación por carrís bus-taxi, etc.
• Implicar empresas do sector privado na introdución do vehículo eléctrico: empresas eléctricas, empresas de seguros e de financiamento (renting), etc.
• Servir como base para a identificación e impulso de medidas normativas que favorezan esta tecnoloxía: medidas fiscais na compra ou uso dos vehículos, tarifas de subministración, modificación de normas que impidan a súa evolución (acceso a puntos de recarga en vivendas comunitarias, homologación), etc.

Para calquera consulta pode dirixirse a proyectomovele@idae.es