LBL_LOGO LBL_LOGO

O IDAE outorga axudas directas, é dicir, a fondo perdido, a través das Comunidades Autónomas (CC. AA.), a investimentos en determinadas tipoloxías de proxectos que promoven a eficiencia enerxética ou que fomentan as enerxías renovables.

Estas axudas enmárcanse no Plan de Enerxías Renovables 2005-2010 (PER) e no Plan de Acción 2008-2012 da Estratexia de Aforro e Eficiencia Enerxética en España (E4) e xestiónanse de maneira compartida coas CC. AA. a través de cadanseu convenio establecidos entre o IDAE e cada CC. AA.

As respectivas CC. AA. son as encargadas do desenvolvemento dos programas de axudas públicas, a súa preparación e convocatoria de bases reguladoras, xestión, tramitación e valoración técnica de expedientes, resolución de ditas axudas, certificación e pagamento das mesmas, incluíndo o réxime de control e, no seu caso, o de reintegro e sancionador.

Plan de Acción 2008 da E4:

As achegas económicas do Plan de Acción están destinadas a financiar as medidas ou actuacións de aforro e eficiencia enerxéticas nel reflectidas que, á súa vez, están repartidas polos sectores de: Industria, Transporte, Edificación, Transformación da Enerxía, Agricultura e Pesca, e Servizos Públicos.

Da totalidade de ditas medidas, identificáronse 10 como prioritarias co obxecto de garantir unha execución mínima do Plan en todo o territorio nacional, que son:

1. Programa de axudas públicas no sector Industria.
2. Plans de mobilidade urbana.
3. Xestión de frotas de transporte por estrada.
4. Condución eficiente de vehículos industriais.
5. Renovación do parque automobilístico de turismos e de frotas de transporte por estrada.
6. Rehabilitación da envolvente térmica dos edificios existentes.
7. Mellora da eficiencia enerxética das instalacións térmicas dos edificios existentes.
8. Mellora da eficiencia enerxética das instalacións de iluminación interior dos edificios existentes.
9. Plan RENOVE de electrodomésticos.
10. Axudas públicas a coxeracións non industriais.

Plan de Enerxías Renovables:

As axudas contempladas no PER, para o exercicio 2008, están destinadas a determinadas tipoloxías técnicas:

1. Produción de enerxía térmica para uso doméstico, industrial ou en edificios, utilizando como combustible a Biomasa.
2. Aplicacións da Enerxía Solar Térmica.
3. Aplicacións da Solar Fotovoltaica Illada (é dicir, para consumo propio, illado da rede de distribución), ou ben, as aplicacións da xeración mixta Eólica-Fotovoltaica, con aportación fotovoltaica de cando menos o 50% da potencia eólica, e potencia máxima do aeroxerador de 5 kW.
4. Instalacións para o almacenamento, manexo, tratamentos previos e sistemas de dixestión anaerobia e de aproveitamento enerxético (calor/frío) e/ou eléctrico de calquera tipo de materia orgánica susceptible dese tratamento.
5. Equipos de tratamento en campo da Biomasa, para o seu lascado ou empacado.
6. Biocarburantes. Instalación en estacións de servizo de surtidores de biodiésel, bioalcohol ou biogás.

Consulte las ayudas publicadas en su Comunidad Autónoma en materia energética:

Acceso por Comunidades Autónomas. Año 2012

Acceso por Comunidades Autónomas. Año 2011

Acceso por materia. Año 2012

Acceso por materia - Año 2011

Dónde informarse en las Comunidades Autónomas