LBL_LOGO LBL_LOGO

Eguzki-energia bi modutara ustiatu daiteke: elementu mekanikoen bitartekaritzarik gabe, hau da, modu pasiboan edo elementu mekanikoen bitartekaritzarekin, hau da, modu aktiboan.

Eguzki-energia aktiboa, era berean, tenperatura baxukoa, ertainekoa eta altukoa izan daiteke, bilketa zuzenekoa, kontzentrazio-indize baxukoa edo kontzentrazio-indize altukoa izatearen arabera.

Kolektore lau beiraztatuekin –eguzki-panel delakoekin– egindako tenperatura baxuko aplikazioak dira merkatuan gehien zabaldutakoak. Hauek dira aplikazio interesgarrienak:

Eraikinetan. Etxeko ur beroa lortzeko, igerilekuak berotzeko eta berogailuetarako.
Instalazio industrialetan. Etxeko ur beroa prestatzeko eta prozesuetarako ura partzelatzeko.
Nekazaritza eta abeltzaintzako instalazioetan. Negutegietako berogailu, arrain-haztegietako ur bero eta abarretarako.
Eguzki-energia bidezko hozketa. Ur hotza edo hozketa beharrezkoak diren kokalekuetan, xurgaketa-prozesuko beroaren ustiapenaren bidez.